Qandala Home                           Qandala PSS
“Waraabe iyo Wolof”
Gabygani wuxuu ku saabsan yahay dood iyo dagaal dhexmaray “waraabe iyo wolof” iskuna haysta raqdii hal mageeda la'oran jirey wabax. dagaalkuna wuxuu ku bilowday markii wolof ku guuleysatey iney waraabha raqada ka eryooto iyadoo lakaashatay dugaagii kale. doodu waxay tilmaamaysaa sida waraabo u samri la'ayahay iyo sida aanay wolof  marna u aqbaleyn inay sii deyso kuruskaas iyo  wananka baruurta badan  oo dooxada barwaaqaadaa jooga. lasoco doodii

Wolof iyo waraabaa  is helay  oo is weherdaamey
waxey tiri waraabow dacwaan soo walaanwaline
ee weedhayda maqal waa midaan waadax kuu orane
**         **         **         **
hashii wabax markaan wiiqay oo wadnaha goostay
oo aan welimadeedii lahaa muudso weligaaba
waa maxy waraabow  waxaad weerarka u qaaday
**         **         **         **
wuxuu yiri miyaad waalan tahay waananba ogeyne
anoo weerku ii xiran yahoo waabsha cadowgeyga
sow taad warmaa ilaheshoo wiiqday dhabrkayga
**         **         **         **
wexey tiri warmaa kulama dhicin kumana waanshayne
waladaan lahaa yuu hortaa weecsan oo cunine
waxmagartadii baa dhibkiyo kicisay weehaanka
**         **         **         **
wuxuu yiri  raqdoo ii warano aan waaxwalbaba haysto
sow taad wareerkiyo dhibtiyo kicisay weeraanka
oo dugaagi soo wada baxoo igu walaahoobey
**         **         **         **
wexey tiri waxbadan baad cuntood waaxid ku ahayde
ana wiigag  waxan dhamayn baan washiiqsadaye
wajiiniyo xagaa uun i dhowr weelkii baa marane
**         **         **         **
wuxuu yiri wedkaygaan geline silic la waanshooday
sow taan wardheer iyo walwaal wolofey sii gaarey
waaberi iyo fiid sow nigii walalashleynaayey
**         **         **         **
walbahaarkii waagii ihalay waan wakinayaaye
walkadeedi baan waayadaan  weli wareeraaye
sow aniga weehabayoo waldhadu ihayso
**         **         **         **
anoo waadigaiyo kaymahaba  dugaaga wiidaysta
oo waxaan calmado saacad qura la'igu soo weecsho
sow taad warmaa ilaheshoo wiiqday dhabrkayga
**         **         **         **
waxey tiri waraabow ilow waayadii horo'e
hadii uu wareerkaan kubaday madaxa kaawalay
wakhtigeyni joogniyo hadana anaa kawaayeela
**         **         **         **
wuxuu yiri wadadu waa fogtoo weerer igu dheere
hadii  aanan wiig iyo bar socon waw habeen dhixiye
hayeeshee dugaagaa kalaa waranka kuu qaadan
**         **         **         **
wexey tiri waraabow carigan  weerki ka'idlaaye
ma weyshiyo saceedaa maruun weerar ila beegsan
mise waladiyo wankeer buuran baa weyrax igu jiiri
**         **         **         **
wuxuu yiri weerkii warmaa kuu wasacay waakan weyraxaye
jiifaaguu wakiishana haduu weerar soo yahaye
waa maxay wedkaad ila rabtaan adiyo weerkaasu
**         **         **         **
waxaytiri waraabow walee waanuf baad tahaye
adiguba warjeef kaad wadaad iguwareentaaye
hayga waabin weerkayga waan weheshenaayaaye
**         **         **         **
hayeeshee  warbaan kuu hayaa waanana u dhow'e
weerer iyo dagaal waa mushkilo inaan ku waraaye
ee labda dhinac aan waaxaysanoo waab ukala yeelo
**         **         **         **
wuxu yiri waaniyo iyo kalgacal dhimay warkoodiiye
war wankiyo baruurtii intaad adigu waamayso
wolofey walee waayadaan kuu warcalin maayo


Waxaa Gabayga tiriyay "Faisal Mussa" abuxamsa@hotmail.com
Carta Kaligii taliyeQandala Home
Waxaa isku soo uruurshay : Khadar Jacfar
Copyright © 2001 By Qandala